31 октябри соли ҷорӣ вакилони Думаи давлатии Федератсияи Россия таҳти сарварии раиси Ҳизби либерал — демократии Россия Владимир Жириновский ба Ҷумҳурии Тоҷикистон меоянд.
Дар назар аст, ки зимни ин сафар Владимир Жириновский ва ҳамроҳони ӯ бо Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров, вазири корҳои хориҷии Ҷумҳурии Тоҷикистон, устодону донишҷӯёни Донишгоҳи славянии Россия — Тоҷикистон мулоқот намоянд.
Владимир Жириновский ва ҳамроҳони ӯ, ҳамчунин, бо Осорхонаи миллии Тоҷикистон, «Кохи Наврӯз», Қалъаи Ҳисор, шаҳри Турсунзода ва бозори «Меҳргон» — и шаҳри Душанбе ошно хоҳанд шуд.
Шуъбаи матбуоти Дастгоҳи Маҷлиси намояндагон
