ФАЙЗОБОД. (Бурҳониддин КАРИМЗОДА, «Садои мардум») Дар беморхонаи марказии ноҳияи Файзобод шуъбаи табобати бемориҳои қалб иборат аз 15 кат ба фаъолият шуруъ кард. Дармонгоҳи қалб бо дастгирии мақомоти иҷроияи маҳаллии ҳокимияти давлатии ноҳия ва Вазорати тандурустии Ҷумҳурии Тоҷикистон мавриди баҳрабардорӣ қарор гирифт. Алҳол дар ноҳия 49 муассисаи тандурустӣ, аз ҷумла беморхонаи марказии дорои 175 кат, беморхонаҳои минтақавии Меҳробод ва Мискинобод, 13 марказ ва 29 хонаи саломатӣ, панҷ маркази соҳавӣ амал менамояд, ки дар онҳо 94 нафар духтурон ва 343 нафар ҳамшираҳои тиббӣ фаъолият доранд.
Ҷомеа ба ахбор доир ба фаъолияти мақомоти давлатӣ ва умуман ҳамаи шохаҳои ҳокимият ниёз дорад, ки ин яке аз аслҳои бунёдии ҷомеаи озоди демократист.
Эмомалӣ Раҳмон