Барқияи табрикӣ

№77 (3223) 15.07.2014

Президенти Ҷумҳурии Тоҷикистон Эмомалӣ Раҳмон 14 июли соли 2014 ба Президенти Ҷумҳурии Франсия Франсуа Жерар Жорж Олланд барқияи табрикӣ ирсол намуд, ки дар он, аз ҷумла  чунин омадааст:

«Ҷаноби Олӣ!

Табрику таҳнияти самимии мардум ва Ҳукумати Ҷумҳурии Тоҷикистонро бо фарорасии Ҷашни миллии Ҷумҳурии Франсия – солгарди ба даст овардани Бастилия қабул фармоед.

Боиси қаноатмандист, ки тайи солҳои охир муносибатҳои дӯстонаи Тоҷикистон ва Франсия бар асари саъю эҳтимом ва кӯшишҳои ҳар ду ҷониб сатҳи баланд ва сифатан навро касб намуданд.

Бо истифода аз ин фурсати фараҳбахш изҳори умед менамоям, ки муносибатҳои созанда ва ҳамкориҳои муфиди тарафайн дар соҳаҳои мухталиф дар оянда низ ба манфиати мардумони ҳар ду кишвар рушду густариши пайгир хоҳанд ёфт. Ҷониби Тоҷикистон барои таҳкими ҳар чӣ бештари ин муносибатҳо, ки омили муҳими таъмини сулҳу субот ва ҳамкорӣ дар минтақа мебошанд, саъю кӯшиши заруриро ба харҷ хоҳад дод.

Бо ибрози орзуҳои беҳтарин ба ҷаноби Президент сиҳатии комил ва комёбиҳои рӯзафзун ва ба мардуми дӯсти Франсия хушрӯзӣ ва саодат таманно дорам».

www.president.tj