Мулоқоти Пешвои миллат бо намояндаи махсуси ИМА оид ба мусолиҳа дар Афғонистон

№78 (4028) 29.06.2019

48136748162_dd819ab510_o27 июни соли 2019 дар Маҷмааи давлатии «Қасри миллат» Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон намояндаи махсуси Иёлоти Муттаҳидаи Америка оид ба мусолиҳа дар Афғонистон Залмай Халилзодро ба ҳузур пазируфтанд.

Дар мулоқот ҳолати кунунӣ ва дурнамои ҳамкории Тоҷикистону Иёлоти Муттаҳидаи Америка мавриди баррасӣ қарор гирифт.

Президенти мамлакат муҳтарам ­Эмомалӣ Раҳмон бо итминон иброз дош­танд, ки  «бо саъю талоши муштарак метавон барои таъмини субот, сулҳ ва пешрафт дар Ҷумҳурии Исломии Афғонис­тон мусоидат намуд».

Залмай Халилзод бо ҷонибдорӣ аз мавқеи устувори Тоҷикистон барои ҳалли вазъи сиёсӣ дар Афғонистон ба нақш ва саҳми Тоҷикистон баҳри мусоидат дар таъмини амну субот дар Афғонистон ва минтақаи Осиёи Марказӣ баҳои баланд дода, ба Президенти Ҷумҳурии Тоҷикис­тон муҳтарам Эмомалӣ Раҳмон барои талошҳои созанда ҳамчун Роҳбари ташаб­бускор аз номи роҳбарияти маъмурияти Иёлоти Муттаҳидаи Америка арзи сипос намуд.

Инчунин, ҷонибҳо ба таҳкими минбаъдаи ҳифзи сарҳади Тоҷикистону Афғонистон, талошҳои пайваста дар ҷодаи муқовимати муштарак бо хатару таҳдидҳои замони муосир, бахусус, терроризму ифротгаройӣ, тундгаройӣ, гардиши ғайриқонунии маводи мухаддир, таваҷҷуҳи хоса зоҳир намуданд.

www.president.tj