НЕКҚАДАМОВ ТИЛЛО АМОНУЛЛОЕВИЧ

(Тиллои НЕКҚАДАМ)

DSC_50097 сентябри соли 1959  дар деҳаи Деррӯшони ноҳияи Рӯшони ВМКБ дар оилаи омӯзгор ба дунё омадааст.

Дастпарвари гурӯҳи журналистикаи факултаи филологияи тоҷики Университети давлатии Тоҷикистон ба номи В.И.Ленин (ҳоло Донишгоҳи миллии Тоҷикистон) мебошад.

Пас аз хатми университет солҳои 1986-1989 омӯзгори забон ва адабиёти тоҷики мактаби миёнаи №15-и шаҳри Душанбе буд.

Фаъолияти журналистиаш аз соли 1989 оѓоз ёфтааст. Вай аввал дар рӯзномаи навтаъсиси «Паёми Душанбе» (нашрияи ҳукумати шаҳри Душанбе) солҳои 1989-1990 ба сифати мухбири махсуси шӯъбаи шӯроҳо кор карда, моҳи ноябри соли 1990 барои кори минбаъда ба рӯзномаи навтаъсиси Шӯрои Олии РСС Тоҷикистон, ҳоло Маҷлиси Олии Ҷумҳурии Тоҷикистон – «Садои мардум», даъват шуд.

Солҳои 1991-1992 мухбири шӯъбаи ахбор, варзиш ва реклама, аз 1 майи соли 1993 то 23 майи соли 1995 мухбири махсуси рӯзномаи «Садои мардум» дар Вилояти Мухтори Кӯҳистони Бадахшон буд.

Аз моҳи майи соли 1995 то июни соли 1998 хабарнигори шӯъбаи мақомоти ҳокимияти давлатӣ, ҷамъиятиву сиёсӣ ва ҳуқуқ, аз 1 июни соли 1998 то 27 августи соли 1998 муҳаррири шӯъбаи иқтисодиёт, иҷтимоиёт ва ҳифзи муҳити зисти рӯзномаи «Садои мардум» буд.

Мутобиқи Қарори Раёсати Шӯрои Олии Ҷумҳурии Тоҷикистон аз 27 августи соли 1998 муовини аввали сармуҳаррири рӯзномаи «Садои мардум» таъин шуда, то 2 майи соли 2000 дар ин вазифа кор кардааст.

Аз моҳи майи соли 2000 то 25 декабри соли 2009 муҳаррири шӯъбаи номаҳо, ахбор, муносибатҳои байнипарлумонӣ ва робита бо ҷомеа буд. Алҳол, аз 25 декабри соли 2009 инҷониб муҳаррири шӯъбаи маънавиёт, иттиҳодияҳои ҷамъиятӣ ва низоми кори рӯзномаи «Садои мардум» шуда кор мекунад.

Аълочии матбуоти Ҷумҳурии Тоҷикистон (аз соли 2001).

Аълочии фарҳанги Ҷумҳурии Тоҷикистон (аз соли 2008).

Бо Ифтихорномаи Маҷлиси намояндагони Маҷлиси Олии Ҷумҳурии Тоҷикистон (2011), медали «За заслуги» (2011) ва ордени «За заслуги» -и (2012) Иттифоқи ветеранҳои Афѓонистони Федератсияи Россия мукофотонида шудааст.

Бахшида ба ҷашни журналистон бо медали «100-солагии Матбуоти тоҷик» (2012) сарфароз гардидааст.

Соли 2013 ба тариқи овоздиҳии СМС чун беҳтарин рӯзноманигори сол бо «Ҷоизаи ҷумҳуриявии «Хома-2012» қадр гардид

Ба қаламаш китобҳои «Журналистони Бадахшон» (Душанбе, «Нодир», 2005) ва «Дурахши кинои тоҷик» (Душанбе, «Ирфон», 2011) ва «Устоди ҳунари актёрӣ» (Душанбе, «Ирфон», 2012), «Маҳрами сухан» (Душанбе, «Ирфон», 2015) ва «Ҳаёти ибратбахш» (Душанбе, «Ориёнганҷ», 2016) тааллуқ доранд.

Тиллои Некқадам аз соли 1991 узви Иттифоқи журналистони СССР, Иттифоқи журналистони Тоҷикистон ва аз соли 1994 узви Конфедератсияи байналхалқии Иттиҳодияҳои журналистони ИДМ мебошад.