ВАХШ. (Давлат СУЛТОНОВ, «Садои мардум») Дар ҳудуди деҳоти «Тоҷикобод» — и ноҳияи Вахш беморхонаи нави вилоятии бемориҳои сил бунёд гардид. Бемористони нав дорои 60 кат буда, дар он шароити зарурии ташхису табобат фароҳам аст. Барои табобати кӯдакон низ дар бемористон шуъбаи алоҳида таъсис шудааст. Ҳамчунин дар беморхонаи нав шуъбаи махсуси табобати бемории сили устухон низ ба фаъолият оғоз мекунад. Ин имконият медиҳад, ки минбаъд беморон масофаи роҳи дурро то беморхонаи ҷумҳуриявӣ тай накарда, дар ҳамин ҷо табобат гиранд. Бемористони нав бо маблағгузории Ҳукумати Ҷумҳурии Тоҷикистон бунёд гардидааст.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
