ДУШАНБЕ. (Хайруллои АБДУЛВАҲҲОБ, «Садои мардум»)Кормандони масъули Сафорати Ҷумҳурии Тоҷикистон дар Федератсияи Россия аз лагери муваққатии муҳоҷирони меҳнатӣ, ки дар ноҳияи Любертсии вилояти Москва таъсис дода шудааст, боздид намуданд. Тавре аз маркази матбуотии сафорат хабар доданд, лагери муваққатӣ барои нигоҳдории муҳоҷирони меҳнатие, ки бо ҷурми вайрон намудани тартиби сукунат дар Федератсияи Россия боздошт шудаанд, аз ҷониби Хадамоти федералии муҳоҷират якҷоя бо Вазорати ҳолатҳои фавқулоддаи Федератсияи Россия ташкил карда шудааст. Дар лагери мазкур теъдоди зиёди истиқоматгоҳҳои хаймагӣ барои боздоштшудагон омода гардидааст. Зимни омӯзиши вазъият дар лагери мазкур маълум гардид, ки теъдоди зиёди боздоштшудагонро беш аз 300 нафар шаҳрвандони Ветнам ташкил медиҳанд. Миёни боздоштшудагон даҳ нафар шаҳрвандони Ҷумҳурии Тоҷикистон низ ҳастанд.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
