Чанде пеш бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз ҷониби Созмони ҷаҳонии тандурустӣ ба Шабакаҳои кумаки аввалияи тиббию санитарии ноҳияи Шаҳринав 43 дучарха тақдим гардид.
Дар маросими супоридани онҳо сардори Раёсати дастгирии кишварҳо, омодагӣ ва вокуниш ба ҳолатҳои фавқулодаи Дафтари минтақавии Созмони ҷаҳонии тандурустӣ Гундо Велера, раиси Дафтари намояндагии Созмони ҷаҳонии тандурустӣ дар Тоҷикистон Виктор Олсавский, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Амирзода Абдухолиқ ширкат варзиданд.
Муовини раиси ноҳияи Шаҳринав Шоиста Неъматуллозода миннатдории Мақомоти иҷроияи маҳаллии ҳокимияти давлатии ноҳияро ба Созмони ҷаҳонии тандурустӣ барои ҳамкории судманд иброз намуда, таъкид кард, ки дастрас гардидани дучархаҳо ба беҳтар гардидани кор мусоидат хоҳад кард.
Сайидо НАЗАРОВ,
«Садои мардум»
