Бо ҳамин ном аз 11 то 14 июни соли 2025 дар қароргоҳи ЮНЕСКО ба хотири бузургдошти шоири бузурги тоҷику форс Ҳофизи Шерозӣ конфронси илмии байналмилалӣ баргузор мегардад.
Ҳадафи конфронс омӯзиши амиқи осори беназири Ҳофизи Шерозӣ ва эътирофи арзиши воқеии саҳми ин абармарди сухану адаб дар тамаддуни башарӣ мебошад. Аз ин рӯ, пажуҳишгарону донишмандон имкон доранд, ки дар ин конфронс иштирок намуда, мақолаҳои худро пешниҳод намоянд.
Конфронс мавзуъҳои гуногунро дар бораи ҳаёт, фаъолият ва нақши Ҳ. Шерозӣ дар тамаддуни башарӣ дар бар мегирад.
Г. РАҲМОНОВА,
«Садои мардум»
