МУРОДОВ АБДУМАҶИД МИРЗОШАРИПОВИЧ

№ 28.04.2021

improved_photo18 феврали соли 1959 дар шаҳри Турсунзода таваллуд шудааст.

Маълумоташ олӣ.

Соли 1981 факултаи филологияи тоҷики Университети давлатии Тоҷикистон ба номи В.И. Ленин (ДМТ)-ро хатм намудааст.

Фаъолияти меҳнатиаш соли 1981 ба сифати омӯзгори фанни забон ва адабиёти тоҷик дар мактаби миёнаи рақами 52-и ноҳияи Ҳисор оғоз ёфтааст.

Солҳои 1982-1986 тарҷумони мутахассисони шӯравӣ дар Академияи ҳарбии илмҳои тибби Ҷумҳурии Исломии Афғонистон буд.

Солҳои 1986-1987 омӯзгори мактаби миёнаи рақами 91-и шаҳри Турсунзода, 1987-1989 котиби ташкилоти комсомолии Раёсати сохтмонии «Алюминсохтмон» шуда кор кардааст.

Моҳи декабри соли 1990 ба идораи навтаъсиси рӯзномаи «Садои мардум» ба кор даъват шуд ва ҳамчун мусаҳҳеҳи масъул ба кор шурӯъ кард.

Минбаъд дар рӯзномаи «Садои мардум» вазифаҳои хабарнигор, муовини котиби масъул, хабарнигори махсус, мудири шӯъбаи иқтисод ва иҷтимоиёт, директор оид ба тиҷорат ва муовини Сармуҳарририро бар зимма дошт.

Ҳоло мудири шуъбаи масъули сомона, обуна ва эълон шуда кор мекунад.