17-уми апрели соли 2025 дар ноҳияи Мурғоб даври нахустини Озмуни ҷумҳуриявии «Тоҷикистон — Ватани азизи ман» оғоз гардид, ки дар он 117 нафар довталаби синну соли гуногун ширкат намуданд. Ҳайати ҳакамон ба иҷрои барномаи ҳар як сароянда, маҳорати касбӣ, талаффузи буррою тарзи баён, нафаси равон, либосу ҳаракати саҳнавӣ, ҳамзамон, ҷалби шунаванда ва самимияти сарояндагӣ ва навозандагӣ эътибори махсус додаанд.
Аз рӯи баҳогузории ҳакамон 42 нафар ба даври вилоятӣ роҳхат гирифтанд. Ғолибон бо ифтихорномаи раёсати фарҳанг ва Мақомоти иҷроияи маҳаллии ҳокимияти давлатии ноҳияи Мурғоб қадр гардиданд.
М. ИМОМНАЗАР,
«Садои мардум»
