ДУШАНБЕ. (Х. АБДУЛВАҲҲОБ, «Садои мардум) Рӯзи 9-уми июни соли равон дар натиҷаи гузаронидани чорабиниҳои оперативӣ-ҷустуҷӯйӣ маълум гардид, ки Абдусалом Раҷабов, соли таваллудаш 1965, зода ва истиқоматкунандаи деҳаи Тоштеппаи ноҳияи Шаҳринав, соли 2010 бо моддаи 244 Кодекси ҷиноятии Ҷумҳурии Тоҷикистон суд шудааст, дастгир карда шуд, ки ноболиғ Абдуҷаббор Муҳаммадҷони панҷсоларо аз кӯчаи Испечак-2-и пойтахт бо худ бурдааст. Номбурда рӯзи 8-уми июни соли равон дар шаҳри Қӯрғонтеппа низ ноболиғон Хусрав Орифҷонови 9-сола, Фаррухҷон Орифҷонови 10-сола ва Фозилҷон Буриеви 11-соларо бо баҳонаи чидани гелос ба бовариашон даромада, бо ҳамроҳии худ гирифта, ба ноҳияи Бохтар бурдааст. Худи ҳамон рӯз кормандони милитсия ноболиғони мазкурро пайдо карданд.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
