ДУШАНБЕ. ( Фирӯза ҲАБИБУЛЛОЕВА, «Садои мардум») Чанде пеш дар Донишгоҳи давлатии омӯзгории Тоҷикистон ба номи С. Айнӣ бо иштироки ҷавононе, ки тибқи квотаи Президенти Ҷумҳурии Тоҷикистон аз ноҳияи Рашт дар мактабҳои олии кишвар ба таҳсил фаро гирифта шудаанд, вохӯрӣ баргузор гардид. Муовини раиси ноҳияи Рашт Зумрат Лоиқова ва ноиби ректор оид ба тарбияи Донишгоҳи давлатии омӯзгории Тоҷикистон ба номи С. Айнӣ Ҷамила Исломова суханронӣ карда, аз хусуси расидан ба қадри ин дастгириҳои Ҳукумати кишвар ибрози назар намуданд. Дар анҷоми вохӯрӣ чанд тан аз донишҷӯёни фаъоли Донишгоҳи давлатии омӯзгории Тоҷикистон ба номи С. Айнӣ бо ифтихорномаҳои раиси ноҳияи Рашт қадрдонӣ гаштанд. Ба ҳамаи донишҷӯёни тибқи квотаи президентӣ ба таълим фарогирифташуда аз ҷониби масъулини ноҳия кӯмакҳои пулӣ расонида шуд.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
