Маркази илмии Камоли Хуҷандӣ ҷилди дуюми «Силсилаи китобҳои Камолшиносӣ» — ро бо номи «Камол дар оинаи пажӯҳиш» аз чоп баровард.
Он, ки иборат аз 566 саҳифа мебошад, асарҳои ба ҳаёт ва эҷодиёти Камол (аз соли 1845 то 1960) бахшидашударо дар бар гирифта, аз тарафи адабиётшинос Субҳони Аъзамзод таҳия ва тавассути нашриёти «Хуросон» нашр шудааст.
Бояд тазаккур дод, ки ҷилди аввали «Силсилаи китобҳои Камолшиносӣ» бо номи «Камол дар оинаи тазкираҳо» чанде пеш аз нашр баромад. Нашри китобҳо беҳтарин армуғонест ба 700 — солагии шоири классик Камоли Хуҷандӣ.
М. МАҚСУДОВ,
«Садои мардум»
