Соли 2024 варзишгарони вилояти Суғд аз мусобиқаҳои гуногуни вилоятӣ, ҷумҳуриявӣ, минтақавию байналмилалӣ ба гирифтани 1 ҳазору 320 медали тилло, 1 ҳазору 250 медали нуқра ва 1 ҳазору 530 медали биринҷӣ сазовор гардиданд.
Дар маросими қадршиносӣ зикр шуд, ки давоми соли 2024 дар шаҳру ноҳияҳои вилоят 57 иншооти варзиш сохта мавриди истифода қарор дода шуданд.
Сипас, дар асоси қарори раиси вилоят ва бо мақсади ҳавасмандгардонии варзишгарони беҳтарини вилоят стипендияи раиси вилояти Суғд дар соли 2024 ба 60 нафар варзишгарони муваффақ дар ҳаҷми аз 1200 то 3600 сомонӣ тақдим гардид.
Ҳамчунин, барои саҳми арзанда дар рушди соҳаи варзиш, тарбияи шогирдон ва муаррифии шоистаи мамлакат дар мусобиқа ва чемпионатҳои сатҳи ҷаҳонӣ 60 нафар варзишгарони беҳтарин, мураббиён ва собиқадорони соҳа бо сипоснома ва мукофотпулӣ қадрдонӣ шуданд.
Мирзоаъзам МАҚСУДОВ,
«Садои мардум»
