КӮЛОБ. ( Темуршоҳи ФАЙЗАЛӢ, «Садои мардум») Раиси шаҳри Кӯлоб Абдуғаффор Раҳмонов, бо мақсади рушди ҳаёти иҷтимоӣ ва иқтисодии сокинони шаҳру ноҳия бо роҳбарони ҳизбҳои сиёсии шаҳр вохӯрӣ баргузор намуд. Роҳбарони ҳизбҳои сиёсӣ ин иқдоми раиси шаҳрро хуш пазиройӣ карда, изҳор намуданд, ки онҳо дар сурати ҳамкории фаъол, метавонанд дар рушду нумуи ҳаёти ҷомеаи шаҳр нақши муассир гузоранд. Дар вохӯрӣ роҳбарони ҳизбҳо-Шариф Сафаров- Ҳизби коммунисти Тоҷикистон, Абдусамад Ғайратов- Ҳизби наҳзати исломии Тоҷикистон ва Фирӯз Ғоибов-Ҳизби ислоҳоти иқтисодии Тоҷикистон суханронӣ намуда, оид ба ҳалли мушкилоти мавҷуда таклифу пешниҳодҳо намуданд. Вохӯрии мазкур дар фазои хуби ҳамдигарфаҳмӣ сурат гирифт.
Ҷомеа ба ахбор доир ба фаъолияти мақомоти давлатӣ ва умуман ҳамаи шохаҳои ҳокимият ниёз дорад, ки ин яке аз аслҳои бунёдии ҷомеаи озоди демократист.
Эмомалӣ Раҳмон
