Ректори Донишгоҳи давлатии тиббии Тоҷикистон ба номи Абуалӣ ибни Сино Муҳиддин Нуриддин дар нишасти матбуотӣ иттилоъ дод, ки бо мақсади беҳтар кардани сифати таълим барои соли таҳсили 2024-2025 ду кафедраи алоҳида: рентгенология ва радиология ва забони лотинӣ ташкил шуд.
Иброз гардид, ки ҳоло дар донишгоҳ 1626 нафар донишҷӯи хориҷӣ аз 26 давлати дунё дар сатҳи тодипломӣ, баъдидипломии илмӣ ва баъдидипломии муолиҷавӣ таҳсил доранд.
Таҳсил бо се забон — давлатӣ, русӣ ва англисӣ ба роҳ монда шуда, гурӯҳҳои бо забони русӣ таҳсилкунанда 58,89 фоиз, бо забони давлатӣ — 29,38 ва бо забони англисӣ таҳсилкунанда 11,73 фоизро ташкил медиҳанд.
М. СОЛИҲЗОДА,
«Садои мардум»
