Президенти Ассотсиатсияи футболи Осиёи Марказӣ муҳтарам Рустами Эмомалӣ дар маросими ҷоизасупории мусобиқаи Ҷоми миллатҳои Ассотсиатсияи футболи Осиёи Марказӣ «CAFA Nations Сup — 2023», ки дар шаҳри Тошканд доир гашт, иштирок намуданд. Дар ин бора Федератсияи футболи Тоҷикистон хабар дод.
Дар бозии финалӣ дастаи Эрон бар Ӯзбекистон бо ҳисоби 1:0 пирӯз шуд. Барои ҷойи сеюми мусобиқаи зикршуда дастаи Уммон дастаи Қирғизистонро бо ҳисоби 1:0 шикаст дода, медали биринҷӣ ба даст овард.
Ҷоизаи олӣ «Fair Play» — ро тими миллии Ӯзбекистон соҳиб гардид. Беҳтарин нишонзани мусобиқа ва беҳтарин бозингар ҳамлагари эронӣ Меҳдӣ Торемӣ (6 гол) ва дарвозабони беҳтарин узви тими миллии Уммон Иброҳим Солеҳ Ал-Муҳайнӣ эътироф шуданд.
Шарофат АБДУЛВОҲИДОВА,
«Садои мардум»
