22 сентябри соли 2015 Президенти Ҷумҳурии Тоҷикистон Эмомалӣ Раҳмон бо сафари корӣ, бо мақсади ифтитоҳи як қатор муассисаҳои маорифу фарҳанг, инчунин шиносоӣ бо вазъи корҳои саҳроӣ, рафти бунёди иншооти ҷашнии 3000 — солагии Ҳисор ба ноҳияи Ҳисор ташриф овард.
Дар деҳоти «Сомон» дар шоҳроҳи Душанбе-Турсунзода сокинони ноҳия Сарвари давлат Эмомалӣ Раҳмонро бо самимияти баланд, ки нишонаи возеҳи пуштибонӣ аз сиёсати созандаи роҳбарияти давлат мебошад, гарму самимӣ истиқбол гирифтанд.
Дар доираи ин сафар Сарвари давлат Эмомалӣ Раҳмон як зумра иншооти маорифу фарҳанг, аз ҷумла осорхона, китобхона, Қасри фарҳанги ноҳиявӣ ва Мактаби президентӣ барои хонандагони болаёқатро ифтитоҳ намуда, бо сокинони ноҳияи Ҳисор суҳбату мулоқотҳои судманд анҷом дод.
Инчунин дар рафти сафар Президенти мамлакат бо ҷараёни омодагӣ ба ҷашни 3000 — солагии Ҳисор, вазъи корҳои саҳроӣ, рушди соҳаи чорводорӣ ва рафти ҷамъоварии ҳосили боғу токзор шинос шуд.
www.president.tj
