Бар кишвари мо иди дилафрӯз омад.
Пайғоми наву навиди ғамсӯз омад.
Пӯшида ба тан пираҳани гулдӯзӣ,
Бо ҳамҳамаю дамдама Наврӯз омад.
***
Сад кабки дарӣ масту ғазалхон омад.
Ҳам раҳмати Ҳақ ба исми борон омад.
Бархезу биё, ки вақти гулгардонист,
Шукрона, арӯси сол шодон омад.
***
Наврӯзи Ватан аз дили қомус омад,
Аз пушти самак садои Ковус омад:
Ёрону бародарон бандед камар,
Соли наву соли ишқу номус омад.
Диловари МИРЗО,
«Садои мардум»
