Паёми шодбошии раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ба муносибати рӯзи Конститутсияи Ҷумҳурии Тоҷикистон 6 ноябри соли 2025, шаҳри Душанбе
Ҳамватанони азиз,
Сокинони сарбаланди пойтахт!
Ҳамаи Шуморо ба муносибати Рӯзи Конститутсияи Ҷумҳурии Тоҷикистон самимона табрик менамоям.
Конститутсия ҳуҷҷати сарнавиштсозест, ки 6 ноябри соли 1994 аз ҷониби мардуми хирадсолори тоҷик бо дарки баланди масъулиятшиносӣ ва ба тариқи раъйпурсии умумихалқӣ қабул гардид.
Қабули Конститутсия аз ҷумлаи дастовардҳои бисёр арзишманди миллати тоҷик ба ҳисоб рафта, роҳи ояндаи кишвари соҳибистиқлолу демократии моро муайян намуд.
Ин ҳуҷҷати таърихӣ, ки дар худ ормонҳои миллати тоҷикро инъикос намудааст, ҳамчун шиносномаи миллат давлати тоҷиконро ба ҷаҳониён ва ҷаҳониёнро бо Тоҷикистон ошно сохт.
Бори дигар ҳамаи шумо – ҳамдиёрони азиз ва ҳамватанони бурунмарзиамонро ба ифтихори 31-умин солгарди Рӯзи Конститутсияи Ҷумҳурии Тоҷикистон табрик гуфта, ба ҳар як фарди кишвар тансиҳативу иқболи нек, файзу нишот ва ба Тоҷикистони маҳбубамон сулҳу суботи ҷовидонӣ орзумандам.
Рӯзи Конститутсияи Ҷумҳурии Тоҷикистон муборак!
Ҳамчунин дигар маводҳо:
