ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ МАЪРИФАТИ ЭКОЛОГИИ АҲОЛӢ»
Моддаи 1. Ба Қонуни Ҷумҳурии Тоҷикистон «Дар бораи маърифати экологии аҳолӣ» аз 29 декабри соли 2010 (Ахбори Маҷлиси Олии Ҷумҳурии Тоҷикистон, с. 2010, №12, қ. 1 мод. 832; с. 2025, №6-10, мод. 639) тағйиру иловаҳои зерин ворид карда шаванд:
1.Дар матни Қонун калимаҳои «системаи», «СИСТЕМАИ», «Системаи», «Системаи» ва «системаи» мувофиқан ба калимаҳои «низоми», «НИЗОМИ», «Низоми», «Низоми» ва «низоми» иваз карда шаванд.
2. Моддаи 8:
-дар қисми 1:
-дар муқаддима калимаҳои «зерин дорад» ба калимаҳои «зеринро дар бар мегирад» иваз карда шаванд;
- дар сархати якум калимаи «экологии томактабӣ» ба калимаҳои «экологӣ дар зинаи таҳсилоти томактабӣ» иваз карда шаванд;
- ба сархатҳои дуюм, сеюм, чорум, панҷум ва шашум пас аз калимаи «дар» калимаи «зинаи» илова карда шавад;
- дар сархати ҳафтум калимаҳои «таҳсилоти махсус ва иловагӣ» ба калимаҳои «зинаҳои таҳсилоти иловагӣ, махсус ва калонсолон» иваз карда шаванд;
-дар сархати ҳаштум калимаи «табақаҳои» ба калимаи «қишри» иваз карда шавад;
- дар қисми 2 калимаҳои «меъёрҳои» ва «мешаванд» мувофиқан ба калимаҳои «стандартҳои» ва «мешавад» иваз карда шаванд.
3. Қисми 2 моддаи 9 дар таҳрири зерин ифода карда шавад:
«2. Маърифати экологӣ дар Ҷумҳурии Тоҷикистон мувофиқи барномаҳои давлатӣ, ки аз ҷониби мақоми ваколатдори давлатӣ тибқи талаботи стандартҳои давлатӣ таҳия мешаванд, амалӣ мегардад.».
4. Дар моддаи 11:
- сархатҳои сеюм, шашум ва ҳафтум хориҷ карда шаванд;
- дар сархати панҷум калимаи «ходимони» ба калимаи «кормандони» иваз карда шавад.
5. Моддаи 111 бо мазмуни зерин илова карда шавад:
«Моддаи 111. Ваколатҳои мақоми ваколатдори давлатӣ дар соҳаи маърифати экологии аҳолӣ
Ба ваколатҳои мақоми ваколатдори давлатӣ дар соҳаи маърифати экологии аҳолӣ дохил мешаванд:
- таҳия ва ба Ҳукумати Ҷумҳурии Тоҷикистон пешниҳод кардани барномаҳои комплексии давлатии маърифати экологӣ ва дигар барномаҳои мақсаднок ва соҳавӣ;
- амалӣ намудани барномаҳои комплексии давлатии маърифати экологӣ ва дигар барномаҳои мақсаднок ва соҳавӣ;
- иштирок дар таҳияи барномаҳои байналмилалии таълимии экологӣ;
- таъмини низоми маърифати экологӣ бо маводи иттилоотӣ;
- амалӣ намудани ваколатҳои дигари пешбининамудаи қонунгузории Ҷумҳурии Тоҷикистон.».
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти Ҷумҳурии Тоҷикистон Эмомалӣ Раҳмон
ш. Душанбе, 17 июни соли 2026, №2273
ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ» ҷонибдорӣ карда шавад.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ
ш. Душанбе, 16 июни соли 2026, №185
ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон
«Дар бораи маърифати экологии аҳолӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологии аҳолӣ» қабул карда шавад.
Раиси Маҷлиси намояндагони Маҷлиси Олии Ҷумҳурии Тоҷикистон Ф. Идизода
ш. Душанбе, 29 апрели соли 2026, №432