ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ САВДО ВА ХИЗМАТРАСОНИИ МАИШӢ»
Моддаи 1. Ба Қонуни Ҷумҳурии Тоҷикистон «Дар бораи савдо ва хизматрасонии маишӣ» аз 19 марти соли 2013 (Ахбори Маҷлиси Олии Ҷумҳурии Тоҷикистон, с. 2013, №3, мод. 186; с. 2014, №3, мод. 150; с. 2015, №7-9, мод. 704; с. 2023, №1-3, мод. 12) тағйиру иловаҳои зерин ворид карда шаванд:
1. Дар муқаддимаи Қонун ва сархати ҳафтуми моддаи 4 калимаи «қаламрави» ба калимаи «ҳудуди» иваз карда шавад.
2. Дар моддаи 2:
- ба сархати якум пас аз калимаҳои «молҳои истеъмолӣ» калимаҳои «(маҳсулоти озуқаворӣ)» илова ва калимаҳои «маҳсулоти спиртдор» ба калимаҳои «нӯшокиҳои спиртӣ, маҳсулоти алкоголӣ» иваз карда шаванд;
- дар сархати панҷум калимаи «низоми» ба калимаи «махзани» иваз карда шавад;
- дар сархати ёздаҳум калимаи «шӯъбаи» ба калимаи «шуъбаи» иваз карда шавад;
- дар сархати бистуҳаштум калимаи «овезаи» ба калимаи «ҳуҷҷати» иваз карда шавад;
- дар сархатҳои бистунуҳум ва сиюм калимаи «номгӯи» ба калимаи «махзани» иваз карда шавад.
3. Аз матни моддаи 3 калимаи «(Сарқонуни)» хориҷ карда шавад.
4. Дар моддаи 6:
- дар сархати дуюм калимаҳои «таҳия ва тасдиқ намудани консепсия ва дурнамои давлатӣ» ба калимаҳои «тасдиқ намудани ҳуҷҷатҳои банақшагирии стратегӣ» иваз карда шаванд;
- сархати чорум хориҷ карда шавад.
5. Ба моддаи 7 сархати дуюм бо мазмуни зерин илова карда шавад:
«- таҳия ва барои тасдиқ ба Ҳукумати Ҷумҳурии Тоҷикистон пешниҳод намудани ҳуҷҷатҳои банақшагирии стратегӣ дар соҳаи савдо ва хизматрасонии маишӣ, ки ба таъмини амнияти озуқаворӣ нигаронида шудаанд;».
6. Дар моддаи 11:
- дар қисми 1 калимаи «чорво» ба калимаи «ҳайвонот» иваз карда шавад;
- дар қисми 7 ва минбаъд дар тамоми матни Қонун калимаҳои «ӯҳдадор», «ӯҳдадориҳои», «ӯҳдадории», «ӯҳдадориҳояшон», «ӯҳдадориҳо», «ӯҳдадоранд» ва «мӯҳлати» мувофиқан ба калимаҳои «уҳдадор», «уҳдадориҳои», «уҳдадории», «уҳдадориҳояшон», «уҳдадориҳо», «уҳдадоранд» ва «муҳлати» иваз карда шаванд.
7. Дар моддаи 14:
- дар қисми 3 калимаи «иҷозатдиҳанда» ба калимаи «иҷозатдиҳӣ» иваз карда шавад;
- дар қисми 6 калимаҳои «маводи истеъмолӣ» ба калимаҳои «молҳои истеъмолӣ» иваз карда шаванд;
- дар қисмҳои 9 ва 16 калимаи «вазифадор» ба калимаи «уҳдадор» иваз карда шавад;
- дар қисми 11 калимаҳои «қонунгузории Ҷумҳурии Тоҷикистон оид ба фаъолияти зиддиинҳисорӣ» ба калимаҳои «қонунгузории зиддиинҳисории Ҷумҳурии Тоҷикистон» иваз карда шаванд;
- дар қисми 15 калимаи «граждании» ба калимаи «мадании» иваз карда шавад;
- сархати якуми қисми 20 дар таҳрири зерин ифода карда шаванд:
«- нӯшокиҳои спиртӣ, маҳсулоти тамоку ва алкоголӣ, оби ҷав;».
8. Дар моддаи 16:
- дар қисми 6 калимаи «молҳои» ба калимаи «маҳсулоти» иваз карда шавад;
- дар қисми 7 калимаҳои «тамоку, нӯшокиҳои спиртӣ, маҳсулоти алкоголӣ ва» ба калимаҳои «нӯшокиҳои спиртӣ, маҳсулоти тамоку ва алкоголӣ,» иваз карда шаванд.
9. Дар қисми 1 моддаи 19 калимаи «вазифадоранд» ба калимаи «уҳдадоранд» иваз карда шавад.
10. Дар қисми 1 моддаи 21 калимаҳои «санадҳои меъёрии ҳуқуқии Ҷумҳурии Тоҷикистон оид ба фаъолияти зиддиинҳисорӣ» ба калимаҳои «қонунгузории зиддиинҳисории Ҷумҳурии Тоҷикистон» иваз карда шаванд.
11. Дар сархати якуми қисми 2 моддаи 22 калимаҳои «молҳои озуқаворӣ» ба калимаҳои «молҳои истеъмолӣ» иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти Ҷумҳурии Тоҷикистон Эмомалӣ Раҳмон
ш. Душанбе, 17 июни соли 2026, №2292
ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи савдо ва хизматрасонии маишӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси миллии Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи савдо ва хизматрасонии маишӣ» ҷонибдорӣ карда шавад.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ
ш. Душанбе, 16 июни соли 2026, №204
ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи савдо ва хизматрасонии маишӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи савдо ва хизматрасонии маишӣ» қабул карда шавад.
Раиси Маҷлиси намояндагони Маҷлиси Олии Ҷумҳурии Тоҷикистон Ф. Идизода
ш. Душанбе, 18 марти соли 2026, №389