5 августи соли 2019 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Иёлоти Муттаҳидаи Америка Доналд Ҷон Трамп барқияи тасаллият ирсол намуданд, ки дар он омадааст:
«Ҷаноби Олӣ!
Хабари фоҷиабори ба ҳалокат расидан ва ҷароҳат бардоштани даҳҳо шаҳрванд бар асари силсилаи амалҳои хушунатомез дар Иёлоти Муттаҳидаи Америка боиси андуҳи бепоёни ин ҷониб гардид.
Дар иртибот ба ин зуҳуроти манфури зӯроварӣ ҳамдардиву тасаллияти амиқи хешро ба Шумо ва наздикону пайвандони фавтидагон изҳор намуда, хоҳони шифои комили ҳамаи осебдидагон ҳастам».
www.president.tj
