Дар Дӯстӣ корхонаи истеҳсоли шифер ифтитоҳ мешавад

Дар деҳоти Ҷилликули ноҳияи Дӯстӣ сохтмони корхонаи истеҳсоли шиферҳои азбестии ҶДММ «Манзараҳои Вахш» дар арафаи анҷомёбӣ қарор дорад. 

Тавре аз шуъбаи меъморӣ ва шаҳрсозии Мақомоти иҷроияи маҳаллии ҳокимияти давлатии ноҳияи Дӯстӣ иттилоъ доданд, ин корхонаи муҳими саноатӣ бо маблағи 7 миллион сомонӣ бунёд гардида, иқтидори солонаи он беш аз 685 ҳазор дона шиферро дар бар мегирад.

Корҳои сохтмонӣ дар иншоот аввали соли равон оғоз гардида, дар масоҳати 0,45 гектар бунёд хоҳад шуд.

Корхона бо таҷҳизоти замонавӣ муҷаҳҳаз гардида, баъди баҳрабардорӣ дар он 45 нафар бо ҷойи кор ва маоши хуб таъмин хоҳанд гашт.

Масъулин нақша доранд, ки оянда  дар корхона истеҳсоли лӯлаҳои обгузари гуногунқутрро низ ба роҳ монанд.  

Сулаймон СУЛТОНОВ,

«Садои мардум»