8-уми марти соли 2024 дар шаҳри Душанбе Мусобиқаи панҷуми байналмилалӣ оид ба гӯштини миллӣ «Гӯштингирӣ» барои дарёфти «Ҷоми Раиси шаҳри Душанбе» баргузор гардид.
Дар маросими кушодашавии мусобиқа Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ иштирок намуданд.
Дар мусобиқа зиёда аз 200 варзишгар аз 40 давлат ширкат варзида, маҳорат ва малакаи варзишиашонро нишон доданд. Маблағи ҷоизаҳои пулии мусобиқа 100 ҳазор доллари амрикоиро ташкил дод.
Тавре таъкид гардид, ҳадафи асосӣ аз гузарондани ин мусобиқаҳои варзишӣ ташвиқу тарғиб ва рушду равнақи варзиш, солимгардонии сокинони пойтахт ва дар сатҳи баланди ташкилӣ таҷлил намудани Ҷашни байналмилалии Наврӯз мебошад.
Дар натиҷаи қувваозмоиҳо ғолибон ва ҷоизадорони Мусобиқаи панҷуми байналмилалӣ оид ба гӯштини миллӣ «Гӯштингирӣ» барои дарёфти «Ҷоми Раиси шаҳри Душанбе» муайян ва қадр гардиданд.
Шариф АТОБУЛЛОЕВ,
«Садои мардум»
