ХУҶАНД. (Мухтори АБДУЛЛО, «Садои мардум») Мумфаршкунии қариб 10 километр роҳи дохилии шаҳри Хуҷанд дар арафаи анҷомёбист. Ин навбат роҳҳои байни маҳаллаҳои рақамҳои 3 то 19 ва маҳаллаи 28-ум мумфарш гардид. Соли ҷорӣ барои мумфаршкунии роҳҳои дохилии Хуҷанд аз буҷети Мақомоти иҷроияи ҳокимияти давлатии вилоят 10 миллион сомонӣ ҷудо гардидааст. Дар вилояти Суғд тайи ду-се соли охир роҳҳои марказии шаҳрҳои Хуҷанд, Қайроққум, Чкалов, Исфара, Истаравшан ва ноҳияи Бобоҷон Ғафуров ба маблағи зиёда аз 80 миллион сомонӣ асфалтпӯш шуданд.
Ҳадафи асосии матбуоти ҳукуматӣ ва мустақил ҳамчун ду шохаи бо ҳам пайвастаи матбуоти Тоҷикистон иҷрои рисолати касбӣ, яъне хизмати содиқона ва софдилона ба манфиати халқу Ватан мебошад.
Эмомалӣ Раҳмон