Кишти гандуми тирамоҳӣ дар кишвар идома дорад

Бино ба иттилои Вазорати кишоварзӣ, имсол тибқи нақша кишоварзони ҷумҳурӣ дар 166 ҳазору 947 гектар гандуми тирамоҳӣ кишт  менамоянд. То 15 - уми ноябри соли равон 37 ҳазору 533 гектар кишт шудааст. 

Гандум зироати обталаб буда, барои нашъунамои хуби он хоки ҳосилхез зарур аст. Муҳлати кишт аз иқлими минтақаҳо вобастагӣ дорад. Масалан, саршавии кишти гандуми тирамоҳӣ барои вилояти Суғд аз 10 сентябр то 20 октябр муайян шудааст. Меъёри кишти тухмӣ 180-250 килограмм барои 1 гектар аст.

Кишти тирамоҳии гандум нисбат ба кишти баҳорӣ серҳосил мешавад. Зеро  дар зери қабати барф ба ҳарорати 20-25 дараҷа хунукӣ тоб меорад ва ба сабзиш тайёр мешавад, ки дар давраи ҷамъоварии он ҳосили фаровон гирифтан мумкин аст. 

Н. МУРОДБЕКОВА,

“Садои мардум”