Садои мардум

Эҳдо ба ҷашни 35-солагии рӯзномаи «Садои мардум»

Ҳарфи дил бинвишт, тухми меҳр кишт, 

Пайки истиқлолу ваҳдатро расонд.

Таърихи озодиву сулҳу сафо,

Саҳфа-саҳфа дар китоби хеш монд…

Ҳар паёми ӯ нидои мардум аст,

Баски номи ӯ «Садои мардум» аст.

Бо шиоре кард сарҷамъ халқро,

Ҳарфи ӯ буд ҳарфи фардои Ватан.

Қиссаҳо бинвишт дар ҳар саҳфае,

Васф бинмуд пиру барнои Ватан.

Ҳар паёми ӯ нидои мардум аст,

Баски номи ӯ «Садои мардум» аст.

Номаи бахти Ватанро нашр кард,

Ишқи Меҳан буд ҳар як номааш.

Бо қалам сарбози ин миллат, ки буд,

Рӯҳи Айнӣ шод гашт аз хомааш…

Ҳар паёми ӯ нидои мардум аст,

Баски номи ӯ «Садои мардум» аст.

Ормони халқу меҳан парварид,

Бо калому бо забони миллатам.

Восифи ҳусну нумӯи мулк гашт,

Раҳнамо андар ҷаҳони миллатам.

Ҳар паёми ӯ нидои мардум аст,

Баски номи ӯ «Садои мардум» аст.

Соли истиқлоли миллат соли ӯст,

Ҷашни тавлидаш муборак, ҳамватан!

Кош бо пайки накуву руҳбахш,

Завқ бахшад боз асре анҷуман…

Ҳар паёми ӯ нидои мардум аст,

Баски номи ӯ «Садои мардум» аст.

Мухтори АБДУЛЛО,

собиқ хабарнигори «Садои мардум»