57 ҳазор ҷойи нави кор аз ҳисоби иншооти ҷашнӣ

Аз ҳисоби бунёди иншоот ба истиқболи Ҷашни 35-солагии Истиқлоли давлатии Ҷумҳурии Тоҷикистон 57 ҳазору 151 ҷойи нави кор фароҳам шудааст.

Дар ин бора зимни нишасти матбуотӣ раиси Кумитаи рушди маҳали назди Президенти Ҷумҳурии Тоҷикистон Камолиддин Муминзод хабар дод.

Ба гуфтаи ӯ, то имрӯз дар саросари кишвар 31 ҳазору 377 иншооти таъиноти гуногуни ҷашнӣ мавриди истифода қарор гирифтааст, ки ба 106,3 фоизи нақша баробар аст.

Барои сохтмони иншооти иҷтимоӣ беш аз 32 миллиард сомонӣ ҷудо гардидааст, ки қисми зиёди он ба Вилояти Мухтори Кӯҳистони Бадахшон, вилояти Суғд ва шаҳри Душанбе рост меояд.

Камолиддин Муминзод, ҳамчунин, таъкид кард, ки саҳми соҳибкорони ватанӣ ва сокинони меҳандӯсти кишвар дар бунёди иншооти ҷашнӣ назаррас мебошад.

Наҷиба МУРОДБЕКОВА,

«Садои мардум»