Фатҳуддин Солеҳзода раиси ФФРР интихоб шуд

Дар ноҳияи Нуробод конференсияи интихобии Федератсияи футболи минтақаи Рашт ва шаҳри Роғун баргузор гардид.

Бо пешниҳоди Президенти Федератсияи футболи Тоҷикистон муҳтарам Рустами Эмомалӣ ва ҷонибдории иштирокчиён раиси ноҳияи Нуробод  Фатҳуддин Солеҳзода раиси Федератсияи футболи минтақаи Рашт ва шаҳри Роғун  интихоб гардид.

Зимни суханронӣ Фатҳуддин Солеҳзода аз таваҷҷуҳи роҳбарияти олии кишвар ба рушди футбол ва дигар соҳаҳои варзиш ёдовар шуда, омодагии худро барои таҳкими заминаҳои рушди футбол дар минтақа иброз кард. Ӯ изҳор дошт, ки Федератсияи футболи минтақаи Рашт  ва шаҳри Роғун  ба як сохтори фаъолу ташаббускор табдил хоҳад ёфт.

Д. МИРЗО,

“Садои мардум”