АЗ НИШАСТҲОИ МАТБУОТӢ
Ҳамкории Тоҷикистону Япония дар самти хизмати давлатӣ тақвият меёбад
Дар доираи ҳамкориҳо бо Агентии ҳамкории байналмилалии Япония 136 нафар хизматчиёни давлатии Тоҷикистон барои таҳсил ба магистратура ва докторантураи донишгоҳҳои Япония фиристода шудаанд. Аз ин теъдод 105 нафар магистратураи донишгоҳҳои ин кишварро хатм намуда, 41 нафар аз мансаби то таҳсил ишғолнамуда аз 1 то 6-ум категория боло фаъолият доранд.
Дар ин бора 21-уми июли соли равон Идрисзода Илёс Мумин, директори Агентии хизмати давлатии назди Президенти Ҷумҳурии Тоҷикистон, зимни нишасти матбуотӣ хабар дод.
- Айни замон таҳсили 31 нафар (30 нафар дар магистратура ва 1 нафар дар докторантура) идома дошта, ба замми ин, 15 нафар моҳи августи соли 2025 барои таҳсил ба донишгоҳҳои Япония фиристода мешаванд, - илова намуд директори агентии мазкур.
Н. МУРОДБЕКОВА,
«Садои мардум»
Ҳамчунин дигар маводҳо:
