Сафари расмии Рустами Эмомалӣ ба Қазоқистон

26-уми августи соли 2025 Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо мақсади анҷом додани сафари расмӣ ба шаҳри Остонаи Ҷумҳурии Қазоқистон сафар карданд.

Дар ин сафар Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам Рустами ­Эмомалиро муовини якуми Раиси Маҷлиси миллии Маҷлиси Олии Ҷумҳурии Тоҷикис­тон, раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ намуданд.

26-уми август Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам ­Рустами Эмомалӣ ҷиҳати анҷом додани сафари расмӣ вориди шаҳри Остонаи Ҷумҳурии Қазоқистон шуданд.

Дар Фурудгоҳи байналмилалии Нурсултон Назарбоев Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами ­Эмомалиро Раиси Сенати Парламенти Ҷумҳурии Қазоқистон Маулен Ашимбаев, сафири фавқулода ва мухтори Ҷумҳурии Тоҷикис­тон дар Ҷумҳурии Қазоқистон ва дигар намояндагони расмӣ самимона истиқбол гирифтанд.

26-уми август дар ҳошияи сафари расмӣ дар шаҳри Остона Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо нишони эҳтиром ба таърих ва ваҳдату ягонагии мардуми Қазоқистон дар назди маҷмааи «Муҳофизони Ватан» гулчанбар гузоштанд.

Дар маросими гулчанбаргузорӣ Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро муовини Раиси Сенати Парламенти Ҷумҳурии Қазоқистон, муовини Ҳокими шаҳри Остона ва дигар шахсони расмӣ ҳамроҳӣ карданд.

26-уми август дар доираи сафари расмӣ ба Ҷумҳурии Қазоқистон ­Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд.

Зимни мулоқоти хосаи роҳбарони палатаҳои болоии парламентҳо ва музокироти васеъ бо иштироки ҳайатҳои парламентии Тоҷикистону Қазоқистон ҳолати кунунӣ ва дурнамои муносибатҳои дуҷониба, робитаҳои байнипарламентӣ, инчунин, масоили мубрами рӯзномаи байналмилалӣ ва минтақавӣ мавриди баррасӣ қарор дода шуданд.

Нахуст, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам ­Рустами ­Эмомалӣ барои даъват ҷиҳати анҷоми сафари расмӣ ба Ҷумҳурии Қазоқистон ба Раиси Сенати Парламенти Ҷумҳурии Қазоқистон изҳори сипос карда, алоқамандии ҷониби Тоҷикистонро ба сатҳи баланди дӯстӣ ва ҳамкории бисёрҷониба бо Қазоқистон таъкид доштанд.

Ҷонибҳо аз тамоюли мусбати муносибатҳои стратегӣ ва ҳампаймонии байни Ҷумҳурии Тоҷикистон ва Ҷумҳурии Қазоқистон изҳори қаноатмандӣ намуда, саҳми боризи сарони ду давлат - муҳтарам ­Эмомалӣ Раҳмон ва муҳтарам Қосим-Жомарт Токаевро дар тақвияти ин раванд баланд арзёбӣ карданд.

Аҳамияти таърихии имзои Аҳднома дар бораи муносибатҳои ҳампаймонӣ миёни Ҷумҳурии Тоҷикистон ва Ҷумҳурии Қазоқистон, ки дар таърихи ҳамкории ду кишвар саҳифаи нав боз намуд, зикр карда шуд. 

Робитаҳои байнипарламентӣ яке аз самтҳои калидии маҷмуи муносибатҳои байни ду кишвар номида шуд.

Маҷлиси миллӣ ва Сенати Парламент ҳамкории мутақобилан судманди худро пайваста ва дар сатҳи сифатан баланд роҳандозӣ намуда, дар таҳкими муносибатҳои боэътимоди байни давлатҳо нақши рӯзафзун доранд.

Аз рушди муназзами муносибатҳои дуҷонибаи кишварҳо дар соҳаҳои сиёсӣ, тиҷоратию иқтисодӣ, фарҳангию гуманитарӣ, илмию техникӣ ва ҳарбию техникӣ изҳори қаноатмандӣ карда шуда, таваҷҷуҳи ҷонибҳо ба густариши пайвастаи ҳамкориҳои тиҷоративу иқтисодӣ ва сармоягузорӣ зоҳир гардид.

Бахшҳои саноати кӯҳӣ, саноа­ти сабук, хӯрокворӣ ва кимиё, металлургияи ранга, дорусозӣ, мошинсозӣ, кишоварзӣ, энергетика, нақлиёт ва коммуникатсия самтҳои афзалиятноки ҳамкории иқтисодии Тоҷикистону Қазоқистон номида шуданд.

Рақамикунонии иқтисодиёт аз самтҳои ояндадори ҳамкорӣ миёни ду давлат маънидод гардид.

Таъкид карда шуд, ки Тоҷикистон ва Қазоқистон дар баррасии масъалаҳои обу иқлим ва истифодаи оқилонаи захираҳои обии минтақа ҳамкории самарабахш ба роҳ мондаанд.

Дар идома ҷонибҳо ба масоили вобаста ба тавсеа ва густариши робитаҳои фарҳангиву гуманитарӣ, бахусус мао­риф, илм ва фарҳанг, таваҷҷуҳи хос зоҳир намуданд. Баргузории Рӯзҳои фарҳанг ва ташкили ҳамоишҳои муштараки илмию амалӣ ва фарҳангӣ муҳим арзёбӣ шуд.

Вобаста ба масъалаҳои мубрами рӯзномаи ҷаҳонӣ ва минтақавӣ табодули афкор анҷом ёфта, ҷонибҳо аз идомаи ҳамкории созандаи ду давлат дар самти таҳкими сарҳадот ва муқовимати муштарак алайҳи таҳдиду хатарҳои фаромиллӣ ҷонибдорӣ карданд.

26-уми август дар ҳошияи сафари расмӣ ба Ҷумҳурии Қазоқистон Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам ­Рустами ­Эмомалӣ бо Президенти Ҷумҳурии Қазоқистон муҳтарам Қосим-Жомарт Токаев мулоқот анҷом доданд.

Дар оғози мулоқот муҳтарам Рустами Эмомалӣ паёму таманниёти гарму самимии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Президенти Ҷумҳурии Қазоқис­тон муҳтарам Қосим-Жомарт Токаев расониданд.

Зимни мулоқот маҷмуи масъа­лаҳои муносибатҳои дуҷонибаи Тоҷикистону Қазоқистон мавриди баррасӣ қарор дода шуд.

Аз ҷараёни рушди бемайлони тамоми ҷанбаҳои муносибатҳои дӯстию ҳамкории пурсамари Тоҷикистону Қазоқистон, аз ҷумла густариши робитаҳои созандаи байнипарламентӣ, изҳори қаноатмандӣ карда шуд.

Ҷонибҳо ба масоили рушди муносибатҳои ду кишвар дар бахшҳои сиёсӣ, иқтисодӣ ва фарҳангию башардӯстӣ таваҷҷуҳи хоса зоҳир намуданд.

Густариши ҳамкорӣ дар соҳаҳои ояндадори иқтисоди ду кишвар, ба монанди саноат, энергетика, дорусозӣ, бахши кӯҳӣ ва агросаноатӣ, инчунин, маориф, илм, фарҳанг ва сайё­ҳӣ, зарур шуморида шуд.

Масъалаҳои байналмилалӣ, хосатан таъмини амнияту субот дар минтақа, аз ҷумлаи мавзуъҳои дигари мулоқот буданд.

26-уми август, пас аз анҷоми мулоқот дар қас­ри Акорда маросими сарфарозгардонии Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам Рустами ­Эмомалӣ бо мукофоти давлатии Ҷумҳурии Қазоқистон баргузор гардид.

Барои саҳми арзанда дар таҳкими муносибатҳои дӯстӣ ва стратегии Ҷумҳурии Тоҷикис­тон ва Ҷумҳурии Қазоқис­тон, аз ҷумла густариши муносибатҳои байнипарламентӣ, Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам Рустами Эмомалӣ бо ордени «Дустӣ» дараҷаи 2 сарфароз гардонида шуданд.

Мукофоти давлатиро ба муҳтарам Рустами Эмомалӣ Президенти Ҷумҳурии Қазоқис­тон муҳтарам Қосим-Жомарт Токаев тақдим карда, саҳми арзандаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро дар густариши муносибатҳои неку ҳамсоягии ду кишвари дӯс­ту бародар таъкид намуданд.

Раиси шаҳри Душанбе муҳтарам ­Рустами Эмомалӣ аз қадрдонии хизматҳояшон ва сарфароз гардонидан бо мукофоти давлатии Ҷумҳурии Қазоқистон ба Президенти ин кишвар миннатдории самимӣ баён намуданд.

26-уми август дар доираи барномаи сафари расмӣ ба Қазоқис­тон Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам ­Рустами Эмомалӣ дар шаҳри Остона аз технопарки байналмилалии «Астана Хаб» (Astana Hub) боздид ба амал оварданд.

Иттилоъ дода шуд, ки «Астана Хаб» яке аз калонтарин технопарки байналмилалии стартапҳои иттилоотию технологӣ (IT) дар Осиёи Марказӣ ба ҳисоб меравад.

Раванди мазкур соли 2018 бо мақсади дастгирӣ ва рушди ширкатҳои технологии Қазоқистону кишварҳои хориҷӣ таъсис дода шуда, ба фароҳам овардани шароити мусоид барои татбиқи фаъолияти инноватсионӣ дар соҳаи технологияҳои иттилоотию коммуникатсионӣ нигаронида шудааст.

Маврид ба зикри хос аст, ки моҳи июли соли ҷорӣ бо ташаббуси навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Қатъномаи Маҷмаи умумии Созмони Милали Муттаҳид бо номи «Нақши зеҳни сунъӣ дар фароҳам овардани имконоти навин барои рушди устувор дар Осиёи Марказӣ» қабул шуд, ки ба ҳайси аввалин ҳуҷҷати байналмилалӣ ба раванди татбиқи зеҳни сунъӣ дар сатҳи минтақавӣ таваҷҷуҳ медиҳад.

Ин ташаббус имкон медиҳад, ки тавассути истифодаи самарабахши технологияҳои рақамӣ ва зеҳни сунъӣ заминаҳои муносиби ноил шудан ба Ҳадафҳои рушди устувор фароҳам оварда шаванд.

Дар робита ба ин, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ омӯзиши фаъолияти босамар ва таҷрибаи технопарки «Астана Хаб»-ро дар ин самт муфид арзёбӣ намуданд.

27-уми августи соли 2025 дар доираи барномаи сафари расмӣ ба  Ҷумҳурии Қазоқистон Раиси Маҷлиси миллии Маҷлиси Олии Ҷумҳурии Тоҷикис­тон, Раиси шаҳри Душанбе муҳтарам Рустами ­Эмомалӣ бо ­Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд.

Дар мулоқот вазъ ва дурнамои густариши муносибатҳои дуҷонибаи Тоҷикистону Қазоқистон мавриди баррасӣ қарор гирифтанд.

Муколамаи мунтазам ва боэътимоду самимии сарони давлатҳо дар тақвияти муносибатҳои ду кишвар, ки дорои фарҳанг, арзишҳои маънавӣ ва анъанаҳои деринаи ҳамҷаворӣ мебошанд, муҳим донис­та шуд.

Зикр гардид, ки робитаҳои байнипарламентӣ чун ҷузъи муҳими муносибатҳои ду кишвари дӯст ба шарофати талошҳои муштараки ҷонибҳо пайваста рушд мекунанд.

Ҳамкориҳои тиҷоратию иқтисодӣ аз самтҳои муҳими муносибатҳои байни ду кишвар арзёбӣ гардид.

Ҳамчунин, аҳамияти фаъол­гардонии сармоягузорӣ дар амалигардонии лоиҳаҳои муштарак дар самтҳои афзалиятноки иқтисодиёт, пеш аз ҳама, тиҷорат, сохтмон, нақлиёт, телекоммуникатсия, саноат, энергетика, кишоварзӣ, рақамикунонӣ ва инноватсия, зикр карда шуд.

Дар доираи музокирот ҷонибҳо ба масоили рушди ҳамкории фарҳангиву гуманитарӣ, бахусус тавсеаи равобит дар бахшҳои маорифу фарҳанг, таваҷҷуҳ зоҳир намуданд.

Бо назардошти вазъи феълӣ дар арсаи байналмилалӣ ва минтақа зарурати густариши ҳамкориҳо дар самтҳои мудофиа ва амният мавриди таъкид қарор гирифт.

27-уми август дар идомаи сафари расмӣ ба Қазоқис­тон Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам ­Рустами Эмомалӣ бо Ҳокими шаҳри Остона Женис Касимбек мулоқот анҷом доданд.

Зимни мулоқот ҷонибҳо ҳолати кунунӣ ва дурнамои тавсеаи ҳамкориҳо байни бародаршаҳрҳо ва пойтахтҳои ду кишвар – Душанбе ва Остонаро баррасӣ намуданд.

Зикр гардид, ки муносибатҳои шарикии стратегӣ ва ҳампаймонӣ бо Ҷумҳурии Қазоқистон ҳамчун яке аз самтҳои афзалиятноки сиёсати хориҷии Ҷумҳурии Тоҷикис­тон мебошад.

Таваҷҷуҳи махсус ба раванди мусбати ҳамкориҳои дуҷониба дар самти робитаҳои байнипарламентӣ, байни минтақаҳо, аз ҷумла густариши ҳамгироии бисёрҷониба дар сатҳи пойтахтҳо, равона гардид.

Аз пешрафту комёбиҳои шаҳри Остона ба сифати маркази сиёсӣ, иқтисодӣ, фарҳангӣ ва илмии Қазоқистон дар самти рушди устувор ва беҳбуди сатҳи зиндагӣ истиқбол карда шуд. Дар ин зимн, ба масъалаҳои густариши муносибатҳои бародаршаҳрӣ ва тавсеаи ҳамкориҳо дар бахшҳои иқтисод, сармоягузорӣ, фарҳанг, маориф, технологияҳои муосир, ҷавонон, варзиш ва сайёҳӣ таваҷҷуҳ дода шуд.

Ҷонибдории ин ҷониб аз кӯшишҳои соҳибкорону сармоягузорони шаҳри Остона ҷиҳати истифодаи зарфиятҳои фазои мусоиди сармоягузории шаҳри Душанбе иброз гардид.

Ба таҷрибаи Остона дар бахшҳои бунёди марказҳои муо­сир, иншооти инфрасох­торӣ, логистика, таъмини тартиботи ҷамъиятӣ ва баргузории чорабиниҳои оммавӣ ҳавасмандӣ зоҳир карда шуд.

Дар шароити имрӯза табодули таҷриба дар масъалаҳои рушди устувор, рақамикунонии муҳити шаҳрӣ, инфрасохтори нақлиётӣ, экология, ободонӣ ва сарфаҷӯии энергия муҳим шуморида шуд.

www.majmilli.tj