Вохӯрии Мавсума Муинӣ бо Аҳмад Алсаллум
24-уми сентябри соли 2026 муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо роҳбари ҳайати парламентии Подшоҳии Баҳрайн Аҳмад Алсаллум, ки барои иштирок дар ҷаласаи Кумитаи доимии Ассамблеяи парламентии Осиё ба Тоҷикистон омадаанд, вохӯрӣ намуд.
Зимни суҳбат зикр шуд, ки муносибатҳои байнидавлатии Тоҷикистон ва Баҳрайн бар пояи эътимод ва эҳтиром бунёд ёфта, бо иродаи сиёсии роҳбарони олии ду кишвар рушду тавсеа меёбанд.
- Гурӯҳҳои дӯстӣ, ҳамкории кумитаҳои соҳавӣ, мубодилаи таҷрибаи қонунгузорӣ ва сафарҳои мутақобилаи вакилон метавонанд ин робитаҳоро боз ҳам устувор созанд. Муколамаи парламентӣ бояд ба таҳкими ҳамдигарфаҳмӣ ва густариши ҳамкориҳо мусоидат намояд. Ҳадафи мулоқоти имрӯзаи мо баррасии муносибатҳои дуҷониба дар доираи Ассамблеяи парламентии Осиё ва муайян намудани роҳҳои таҳкими ҳамкориҳои байнипарламентӣ мебошад. Ба андешаи мо, ассамблея метавонад майдони рушди робитаҳои байнипарламентӣ, густариши ҳамкории кумитаҳои соҳавӣ ва табодули таҷрибаи қонунгузорӣ бошад, - изҳор дошт М. Муинӣ.
Ҳамчунин дигар маводҳо:
