Панҷакент. Ҷамъоварии картошка шурӯъ шуд

Кишоварзони хоҷагии деҳқонии «Муслим Холиқов»-и деҳоти Халифа Ҳасани шаҳри Панҷакент нахустин шуда, ба ҷамъоварии картошка шурӯъ намуданд.

Иттилоъ гирифтем, ки дар хоҷагӣ имсол масоҳати картошкаи барвақтӣ 19 гектар буда, аз ҳар гектар ба ҳисоби миёна то 250 сентнер ҳосил рӯёниданд. 

Ҳосили ҷамъоваришуда дар бозори сарироҳӣ, ки дар канори шоҳроҳи Панҷакент - Айнӣ, дар мавзеъи Қавола воқеъ аст, ба фурӯш гузошта шудааст.

Дар ин заминҳо хоҷагидорон баъд аз ҷамъоварии ҳосили картошка   сабзӣ, қаланфури булғорӣ, шалғам ва дигар забзавот кишт менамоянд.

Маврид ба ёдоварист, ки ҳоло дар дигар хоҷагиҳои деҳқонии деҳоти мазкур кишти картошка идома дошта, масоҳати он то охири мавсим ба 535 гектар расонида мешавад.

 Ҷ. САБОҲИДДИН, 

“Садои мардум”