Рӯзи Модар

Рӯзи Модар бӯи модар мекунад,

Хонаи моро муаттар мекунад.

Ёди модар ёд аз боғи биҳишт,

Ёд аз гулбоғи Кавсар мекунад.

Меҳрубонтар кист аз модар, бигӯ?

Ёд орам, дидаро тар мекунад.

Кист оне, ки ба мисли модарам,

Чодари номус бар сар мекунад.

Модаре, ки маҳзари меҳру ҳаёст,

Бар мадори ишқ бовар мекунад.

Рӯзи Модар мебарам як каф дуо,

Бар биҳиште бӯи модар мекунад.

***

Мисли модар ҳеҷ кас дилсӯз нест,

Рӯзу шабҳоро, ки меҳрафрӯз нест.

Дар шумори рӯзҳои зиндагӣ

Рӯзи Модар ҳам ҳамин як рӯз нест.

***

Дасти модар гар фарояд бар сарам,

Медиҳад дастони ӯ болу парам.

Бӯи модарро надорад боғи гул, Атри ноёб аст бӯи модарам.

ВОРИС